पत्नीने नपुंसक म्हटल्यामुळे नवऱ्याने दुसऱ्या तरुणीसोबत पॉर्न व्हिडिओ बनवून सासऱ्याला पाठवला

As wife said impotent, Navril has sent a porn video to her father-in-law with another woman

दोघांच्याही घरातल्यांनी लग्न मोडू नये याचा प्रयत्न केला होता

महा न्यूज नेटवर्क हैद्राबाद – हैदराबादमध्ये नपुंसकतेचा आरोप लावून घटस्फोट मागणाऱ्या पत्नीला पतीने अनोख्या पद्धतीने उत्तर दिले आहे. पतीने दुसऱ्या तरुणीसोबत पॉर्न व्हिडिओ बनवला आणि तो व्हिडिओ त्याने चक्क सासऱ्यांना पाठवला. पण त्याचा हा डाव उलटला आणि त्याला तुरूंगात जावे लागले. त्याचे झाले असे की, त्याच्या सासऱ्याने पोलिसांत तक्रार दाखल केली. सध्या तो तुरूंगात आहे. २०१६ मध्ये महेश आणि कनिका (दोघांचीही नावं बदलली आहेत) यांचे लग्न झाले होते. वेगळे होण्यापूर्वी दोघंही फक्त १५ दिवस एकत्र राहिले होते. दोघांच्याही घरातल्यांनी लग्न मोडू नये याचा प्रयत्न केला होता. मात्र त्यांच्या प्रयत्नांना फारसे यश आले नाही. घटस्फोटासाठी कनिकाने महेशवर नपुंसक असल्याचा आरोप केला होता.

महेशला त्याच्यावरील हे आरोप कळले तेव्हा तो रागाने लालबुंद झाला. पोलिसांनी दिलेल्या माहितीनुसार, महेशने कनिकाला चुकीचं सिद्ध करण्यासाठी दुसऱ्या तरुणीसोबत पोर्न व्हिडिओ बनवला आणि तो व्हिडिओ सासऱ्याला पाठवला. तो व्हिडिओ पाहून कनिकाच्या वडिलांनी आणि काकूने चेन्नई येथे पोलिस तक्रार केली. पोलिसांनी चौकशी केली असता महेशने या सर्व जाणीवपूर्वक केल्या असल्याचा स्वीकार केला. पोलिसांना महेशवर अश्लील व्हिडिओ पाठवणं, उत्पीडन आणि लिंग टिप्पणी करण्याच्या आरोपावर अटक केली आहे.